အရှေ့ တိုင်းမိန်းမနှင့်အမျိုးသမီး လွတ်မြောက်ရေး ၂
မောင်သာမည
အရှေ့  တိုင်းက အမျိုးသမီးတွေဟာ ယောက်ျားတွေရဲ့  လိင်မှု ကိစ္စ အဖျော်ဖြေခံတွေ အဖြစ် အသတ်မှတ် ခံနေခဲ့ရသလို ဘာသာရေး အယူအဆကလည်း... ...
ထွက်ပေါက်မရှိအောင် ကွပ်ညှပ် နေတာ ခံနေရတဲ့အကြောင်း၊ သည်လိုနဲ့  အိမ်ဦးနတ် ဖြစ်တဲ့ ခင်ပွန်းသည်ရဲ့  အလိုကို ဖြည့်ဆည်း ပေးဖိုဟာ မိန်းမတွေရဲ့  ဘ၀ပေးတာဝန် ဖြစ်တယ်။
ယောက်ျားတွေရဲ့  အဖြည့်ခံအဖြစ် သေသေ၀ပ်ဝပ် တာဝန် ထမ်းခြင်းဖြင့်သာ နောင်ဘ၀မှာ (မြင့်မြတ်တယ်လို့  ယောက်ျားတွေက ပြောတဲ့) ယောက်ျား အဖြစ်ကို ရရှိလိမ့်မယ်လို့  မျှော်လင့်ရင်း လွတ်မြောက်ရေး ဆိုတာကို မစဉ်းစားမိတဲ့အကြောင်းလည်း အိုရှိုက ထောက်ပြ ပါတယ်။ သည်လိုနဲ့  မိန်းမဟာ ယောက်ျားထက် နိမ့်ကျတယ်ဆိုတဲ့ အယူ အစွဲတခု ပေါ်လာခဲ့ ပါတယ်။ တကယ်ကတော့ မိန်းမတွေမှာ ယောက်ျားတွေထက် သဘာဝ အရပဲ သာလွန်တဲ့ အချက် တရပ် ရှိနေကြောင်း၊ ဒီလို သာလွန်ချက်ကို ယောက်ျားတွေက မနာလိုရာကနေ မိန်းမ တွေကို ယောက်ျားတွေက ဖိနှိပ်ခဲ့ရတာ ဖြစ်တဲ့ အကြောင်း အိုရှိုက သည်လိုပြောပါတယ်။
မိန်းမတွေဟာလည်း ယောက်ျားတွေမှာ လိုပဲ အသိဥာဏ် ရှိပါတယ်။ အသိဥာဏ် ဆိုတာက လိင်နဲ့  မသက်ဆိုင်ဘာဘူး။ ဆိုပါစို့ - ကမ္ဘာကျော် သိပ္ပံ ပညာရှင် အိုင်းစတိုင်းကို ခွဲစိတ်ပြီး မိန်း မတယောက်ဖြစ်အောင် ပြောင်းလိုက်မယ် ဆိုရင် သူ့ အသိဥာဏ်တွေ ပျောက်သွားမလား။ အသွင် အပြင်က မိန်းမ တယောက်ဖြစ်သွား ပေမယ့် အသိဥာဏ်ကတော့ ပြောင်းသွားမှာ မဟုတ်ပါဘူး။ အိုင်းစတိုင်းက အိုင်းစတိုင်းပဲ ဖြစ်နေပါလိမ့်မယ်။ သည်လိုပဲ ယောက်ျားနဲ့ မိန်းမ ဟာ အသွင်အပြင်သာ ကွဲပြားတာပါ။ အသိဥာဏ်က မကွဲပြား ပါဘူး။
ဒါပေမယ့် ယောက်ျားတွေက မိန်းမတွေကို နှိမ်ခဲ့ပါတယ်။ ဖိနှိပ်ခဲ့ပါတယ်။ ဒီလို ဘာကြောင့် ဖိနှိပ် နှိမ်ချခဲ့တာလဲ ဆိုတာကို နှစ်ပေါင်း များစွာ ကြာတဲ့ အထိ သိပ္ပံပညာရှင်တွေ နားမလည် ခဲ့ကြဘူး။ စိတ်ပညာ ထွန်းကား လာတော့ မှဘဲ သည်အကြောင်းအရင်းကို သိလာပါတယ်။ ယောက်ျားတွေဟာ ကိုယ့်ကိုယ်ကိုယ် မိန်းမတွေထက် နိမ့်ကျတယ်လို့  ပြင်းပြင်းထန်ထန် ခံစား ခဲ့ရတဲ့ အဖြစ်ကနေ မနာလိုစိတ်၊ မခံချင်စိတ်တွေ ပေါ်လာပြီး မိန်းမတွေကို ဖိနှိပ်ချဖို့  ကြိုးစားတာ ဖြစ်ပါတယ်တဲ့။
မိန်းမတွေနဲ့  နှိုင်းယှဉ်ရင်း ယောက်ျားတွေမှာ သိမ်ငယ်စိတ် ၀င်ရတဲ့ အကြောင်းအရင်း ကတော့ မိန်းမတွေက သာလျှင် မိခင်တွေ ဖြစ်လာနိုင်တဲ့ အတွက်လို့  ဆိုပါတယ်။ မိန်းမတွေ က အသက်ဘ၀ကို ဖန်တီးနိုင်သူတွေ ဖြစ်နေတယ်။ အသက် ဘ၀ရဲ့  အရင်းအမြစ်တွေ ဖြစ်နေ တယ်။ ယောက်ျားက အဲသလို မစွမ်းဘူး။ သည်လိုနဲ့  ယောက်ျားတွေက မိန်းမတွေကို နှိမ်ချ လာတယ်။ ဖိနှိပ်လာတယ်။ ချုပ်ချယ်လာတယ်။ နေအိမ်ထဲမှာ ပိတ်လှောင်ပြီး ကလေးမွေးတဲ့ စက်ရုံ တခုလို ဖြစ်လာအောင် ဖန်တီးပါတယ်။ ဒါမှ မိန်းမတွေဟာ အောက်တန်း နောက်တန်း ကျသွားမယ်။ ဒါဆိုရင် ယောက်ျားတွေ အနေနဲ့  မိန်းမတွေကို အထင်ကြီး စရာ မလိုတော့ဘူး။ ကိုယ့်ကိုယ်ကိုယ် မိန်းမထက် နိမ့်တယ်လို့  သိမ်ငယ်စိတ် ၀င်စရာ မလိုတော့ဘူး။ သည်လိုနဲ့  လူ့  အဖွဲ့ အစည်းတိုင်းမှာ မိန်းမတွေဟာ ယောက်ျားတွေနဲ့  တန်းတူညီမျှတဲ့ အဖြစ်ကနေ ကျဆုံးသွားခဲ့ ရပါတယ်။
အိုရှိုက မိန်းမတွေ အပေါ် ယောက်ျားတွေ ဖိနှိပ်ရခြင်းဟာ မိန်းမ တွေရဲ့  အလှ အပနဲ့  မိန်းမ တွေရဲ့  ဖန်တီးစွမ်းအားအပေါ် ယောက်ျားတွေ မနာလို ဖြစ်ရာကနေ မိန်းမကို ဖိနှိပ် နိမ်ချတဲ့ ဓလေ့ဆိုးကြီး ပေါ်ပေါက်လာရ တာပါလို့  စိတ်ပညာရှင်တွေရဲ့  တွေ့ ရှိချက်တွေနဲ့  ကိုးကားပြီး ကောက်ချက်ချပါတယ်။ သည်ဓလေ့ ဆိုးကြီးကနေ မိန်းမတွေဟာ သဘာဝအရကို ယောက်ျား ထက် နိမ့်ကျတယ်ဆိုတဲ့ အယူအစွဲဟာလည်း လူ့ အဖွဲ့ စည်းတိုင်းမှာ လွှမ်းမိုးနေခဲ့တယ်လို့  ဆိုပါတယ်။
ဒါပေမယ့် နိုင်ငံရေး တွေးခေါ်ရှင် ကားလ်မတ်၊ စိတ်ပညာရှင် ဖရိုဒ်၊ လိင်မှု ပညာရှင် မာစတာနဲ့  ဂျွန်ဆင်တို့ ရဲ့  ကျေးဇူးတွေကြောင့် အနောက်တိုင်းက မိန်းမတွေဟာ သူတို့ ရဲ့  အနိမ်ခံဘ၀၊ အလှည့်စားခံ ဘ၀၊ အဖိနှိပ်ခံ ဘ၀ကို ပြန်လည် သိမြင်လာခဲ့တယ်လို့  သူက ထောက်ပြပါတယ်။ သည်လိုနဲ့  အနောက်တိုင်း မိန်းမတွေဟာ သူတို့  ဘ၀ကို ကျေးကျွန်လို ဖြစ်အောင် အတင်း ဖိနှိပ်နေတဲ့ ယောက်ျားတွေကိုလည်း ဒေါသထွက်လာတယ်။ သည်ဒေါသ စိတ်နဲ့  အမျိုးသမီး လွတ်မြောက်ရေး လှုပ်ရှားမှုတွေကို ဖော်ဆောင်လာကြတယ် လို့  အိုရှိုက ထောက်ပြရင်း သည်လို ဒေါသစိတ်နဲ့  လက်တုန့် ပြန်ခြင်းဟာ တကယ့် လွတ်မြောက်ရေးကို ဦးတည်မှာ မဟုတ်ဘဲ ပဋိပက္ခတွေကိုသာ ဖန်တီးမှာ ဖြစ်တယ်လို့  သတိပေးပါတယ်။
သည်နေရာမှာ အိုရှိုက အနောက်တိုင်း မိန်းမတွေရဲ့  လွတ်မြောက်ရေး လှုပ်ရှားမှုတွေဟာ ပဋိပက္ခကို ဖန်တီးတဲ့ လှုပ်ရှားမှုတွေ ဖြစ်တယ်လို့  ပြောပါတယ်။ အနောက်တိုင်းက အမျိုးသမီး လှုပ်ရှားမှုကို ဦးဆောင်သူတွေဟာ စိတ်မမှန်တဲ့ ယောက်ျားတွေကို ဆန့် ကျင် တိုက်ခိုက်နေတဲ့ စိတ်မမှန်တဲ့ မိန်းမတွေ ဖြစ်နေတယ်လို့  သူက ပြင်းပြင်းထန်ထန် ဝေဖန်ပါတယ်။ မုန်းတီးတဲ့ စိတ်တွေ နာကြည်းတဲ့ စိတ်တွေ လက်စား ချေလိုတဲ့ စိတ်တွေနဲ့  တကယ့်လွတ်မြောက်ရေးကို မဖန်တီးနိုင်ဘူးလို့  အိုရှိုက ယူဆပါတယ်။ မိန်းမတွေဟာ ယောက်ျားတွေကို လက်စားချေတဲ့ အနေနဲ့  သူတို့  ပြုမူခဲ့ပုံ အတိုင်း လိုက်လုပ်ရင်း နောက်ဆုံးမှာ ကိုယ့်မှာရှိတဲ့ လှပ တင့်တယ် မှုတောင် ပျောက်ဆုံးသွားရတယ်လို့  ပြောပါတယ်။
အမျိုးသမီးလွတ်မြောက်ရေး လှုပ်ရှားမှုဟာ တခြား အစွန်းတဖက်ကို ဦးတည်သွားနေတယ်။ ယောက်ျားတွေကို လက်စားချေဖို့  ကြိုးစားနေတယ်။ ယောက်ျားတွေက မိန်းမတွေ အပေါ် ပြုမူခဲ့သလိုမျိုး တုံ့ ပြန်မှု ပြုဖို့  ကြိုးစားနေတယ်။ ဒါဟာ မိုက်မဲမှု သက်သက်ပဲ ဖြစ်ပါတယ်။
အမျိုးသမီး လှုပ်ရှားမှုက ယောက်ျား အလိုမရှိ ဆိုတာမျိုး ကြွေးကြော်နေတယ်။ ယောက်ျားတွေ နဲ့  အဆက်ဖြတ်မယ်လို့  ကြွေးကြော်နေတယ်။ ယောက်ျားတွေကို သပိတ်မှောက်ပြီး မိန်းမချင်း ပဲ ဆက်ဆံသင့်တယ် ဆိုတဲ့ မိန်းမချင်း လိင်တူ ဆက်ဆံတာမျိုးကို အားပေး အားမြှောက် လုပ်နေကြတယ်။ ယောက်ျားတွေက မိန်းမတွေ အပေါ် စော်ကားခဲ့တဲ့ အတိုင်း ယောက်ျားတွေ ကို ပြန်စော်ကားမယ်၊ ပြန်နှိပ်စက်မယ်။ ယောက်ျားတွေက ဆဲဆိုတဲ့ အတိုင်း ဆဲဆိုမယ်။ ယောက်ျားတွေ ဆေးလိပ်သောက်တဲ့အတိုင်း ဆေးလိပ်သောက်မယ်။
မိန်းမတွေက ယောက်ျားတွေ အတိုင်းလိုက်ပြီး အတုခိုး လုပ်မယ်ဆိုရင် မိန်းမတွေဟာ ယောက်ျား မိတ္တူတွေပဲ ဖြစ်သွားမှာပေါ့။ သည်အခါမှာ မိန်းမရဲ့  ထူးခြားတဲ့ ၀ိသေသ အမှတ် အသား ပျောက်ဆုံးသွားမှာပေါ့။ အခုဆိုရင် ပျောက်တောင် ပျောက်နေပြီ။ အနောက်တိုင်း မိန်းမတွေရဲ့  ခန္ဓာကိုယ်မှာ အရင်တုန်းက ရှိခဲ့တဲ့ လှပတင့်တယ်မှုမျိုး အခု မရှိတော့ဘူး။ အမို့  အမောက်တွေ ပျောက်ကုန်ပြီ။ အရင်တုန်းက ရှိခဲ့တဲ့ ရင်သားအလှ မရှိတော့ဘူး။
ယောက်ျားတွေကို လက်စားချေလိုက်ရတယ် လို့  ထင်နေပေမယ့် တကယ်တော့ ကိုယ့်ကိုယ် ကိုယ် ပြန်ဖျက်မိရက်သား ဖြစ်သွားတာပါ။ လက်စားချေမှု ဆိုတာ ကိုယ့်ကို ပြန်ဖျက်ဆီးမြဲ ဖြစ်ပါတယ်။ အတိတ်ကာလာဟာ သည်လိုမှားယွင်းမှုတွေနဲ့  ပြည့်နေခဲ့ပါတယ်။ ယောက်ျား တွေက မိုက်မဲတဲ့ အလုပ်တွေကို လိုက်လုပ်နေတယ်။
အိုရှိုက အနောက်တိုင်း မိန်းမတွေဟာ လွတ်မြောက်ရေး အတွက် လှုပ်ရှားရာမှာ လက်စား ချေလိုတဲ့ စိတ် ဆန္ဒနဲ့  လုပ်တာကြောင့် နောက်ဆုံးမှာ ကိုယ့်ကိုယ်ကိုယ် ပြန်ဖျက်ဆီးမိရက် သား ဖြစ်နေတယ်လို့  ထောက်ပြရင်း စစ်မှန်တဲ့ လွတ်မြောက်ရေး အတွက် တကယ် လိုအပ် နေတာက မှန်ကန်တဲ့စိတ်၊ ပြင်းပြထက်သန်တဲ့ မေတ္တာ ဂရုဏာ စိတ်ဖြစ်တယ်လို့ လည်း သူက အကြံပေးပါတယ်။
မောင်သာမည
